::::: विरह आभाळा झाला :::::
आज काळजाचा पार चोळामोळा झाला
पाहिलेल्या स्वप्नांचा पालापाचोळा झाला!
दुरावण्या दोष ना तुझा,ना माझा होता
वावटळीचा चेहरा मात्र काळा झाला!
सुटला हात नि क्षणात पाऊस आला
जणू तुझा-माझा विरह आभाळा झाला!
नको वाहूस भार माझ्या आठवणींचा
वचनभंग असाच कैक वेळा झाला!
घाव इतके खोल की डोह जीवघेणा
मीठभरणास गाव सारा गोळा झाला!
आलीस तू घेऊन अक्षता हाती जेव्हा
मांडवाचा सये लालेलाल डोळा झाला!
किती सजवताय मला बोहल्यावरी
वाटते माझाच आज बैलपोळा झाला!
✒अनिल सा.राऊत
📱9890884228
No comments:
Post a Comment