(सावता गीतमाला गीत क्र.१)
लाभे पुण्य आम्हां....
धन्य अरण भूमी,
धन्य तो सावता
लाभे पुण्य आम्हां,तया हात जोडता।।धृ।।
भजनी किर्तनी
नाही रमला तो
घाम गाळूनि रे
विठू तो पावतो
नाम विठूचे सदा,घेतो मुखी सावता
लाभे पुण्य आम्हां,तया हात जोडता।।१।।
मेळा वैष्णवांचा
जमे पंढरीशी
विठू धाव घेई
सोडूनिया काशी
चोर लागले पाठी,सांगे विठू सावता
लाभे पुण्य आम्हां,तया हात जोडता।।२।।
जागा एक आहे
तुझ्यासाठी देवा
लपण्या तुला रे
फाडतो मी देहा
छाती चिरुनि देवा,लपवितो सावता
लाभे पुण्य आम्हां,तया हात जोडता।।३।।
उद्धारली कुळे
उद्धारली जात
माळियाच्या घरा
विठ्ठलाची साथ
लावे भक्तीचा लळा,माझा भोळा सावता
लाभे पुण्य आम्हां,तया हात जोडता।।४।।
धन्य अरण भूमी,
धन्य तो सावता
लाभे पुण्य आम्हां,तया हात जोडता....
©अनिल सा. राऊत
9890884228
anandiprabhudas@gmail.com
No comments:
Post a Comment