नातीगोती

सैरभैर मी,हरवल्या साऱ्या दिशा

रोज बोलणाऱ्या तारका आज,

अनोळखी झाल्या कशा?

राखले शेत, कुंपण बनून कधी

दस्तक देणाऱ्या सुखाच्या आड,

फांजरी या आल्या कशा?

राबलो कुणासाठी,मला ना कळले

रोज राबणाऱ्या हातांच्या आज,

नसा बंद झाल्या कशा?

एवढेच माहित मज पडले गा

जीव लावणाऱ्या नात्यांनी आज ,

चोची त्या मारल्या कशा?

विव्हळतो मी, देण्या आनंद तयांना

रोज भरणाऱ्या जखमा आज,

पुन्हा रक्ताळल्या कशा?

फेकून द्या रे संपताच उपयोग

वैद्य मारणाऱ्या जमाती आज,

कळेना जन्मल्या कशा?

*अनिल सा.राऊत*

9890884228