आठवणींच्या बाजारातून
फेरफटका मारताना...
कोलाहलात विरुन जाते
जराशी पुसट आठवण ती
जीवनसंघर्षाच्या आठवणी मात्र
धावून येतात अंगावर-
बाजारातल्या मोकाट जनावरांसारख्या
अन्
उभा राहतो अंगावर काटा!
काही आठवणी
सडून जातात आतल्या आत-
कांद्या-बटाट्याप्रमाणे
तर काही राहतात
कायमच ताज्या-
पाणी मारुन मारुन
चकाकवलेल्या भाज्यांप्रमाणे!
भरला बाजार,संपलेला असतो
तरीही,
एक आवाज येतो,
"मी इथेच आहे...
तुझी वाट पाहत...!"
अन्
मी पुन्हा नव्याने
धुंडाळत फिरतो...
फक्त,
तिच्याच आठवणींचा बाजार!
*अनिल सा.राऊत*
9890884228
No comments:
Post a Comment