त्या गावाहून
या गावाला
तू आलीस...
हाताला काम
अन्
पोटाची खळगी भरण्यासाठी!
तू तरुण होतीस -
सुंदर होतीस
तुझ्या तारुण्याने आणि सौंदर्याने
चांगलाच `हातभार´ लावला-
तुझ्या हाताला काम मिळवायला!
तुझे हात थकुन जायचे
पोट उपाशी नाही रहायचे...
हे असं फक्त
चारच दिवस चाललं....
पाचव्या दिवसापासून माञ-
तुझे हात आराम करायचे
अन्
पोट माञ
श्रीमंतीचे `घाव´ सोसायचे
तरीही `ते´ हवेहवेसे वाटायचे!
तिकडे दुष्काळ
अन्
इकडे सुकाळ
पैशांचा अन् पापाचाही...
त्यापेक्षा तिकडचा
दुष्काळच परवडला असता-
पाण्याचा अन् पापाचाही...!
*अनिल सा.राऊत*
9890884228
No comments:
Post a Comment