सावित्री-माझ्या नजरेतून

____ सावित्री-माझ्या नजरेतून ____
÷÷÷÷÷÷÷÷÷÷÷÷÷÷÷÷÷÷÷÷÷÷

माझ्या
' व्हॉट इज धिस?' प्रश्नाला
तिचं फक्त
डोळे विस्फारुन पाहणं
सहन केलं असतं का मी-
.... आजच्या वैज्ञानिक युगात?
अन्
तिनं चूल सोडली म्हणून
राहिलोय का कधी मी उपाशी?

सावित्री,
या दोन्ही प्रश्नांचे उत्तर
'नाही' हेच येतेय...

होय सावित्री,
तूच झालीस सेतू....
ज्ञान अन् अज्ञानाच्या दरीमधील...
म्हणूनच आज
तिची नजर
झुकत नाही पहिल्यासारखी-
माझ्या प्रश्नाला उत्तर देताना...
किंवा
घाबरतही नाही ती
कर्तव्यासाठी
चूलीला लाथ मारताना!

* अनिल सा.राऊत *
         📱9890884228
                  ( गारवामधून )
÷÷÷÷÷÷÷÷÷÷÷÷÷÷÷÷÷÷÷÷÷