::::::: रातराणी :::::::
सांज ढळता ढळता
रोज नवीच कहाणी
होते तरुण कलिका
गाते सुगंधाची गाणी!
किती लाजाळू लाजाळू
गर्द अंधाराची राणी
साद घालण्या साजणा
शृंगारते रानी वनी!
भाळी गोंदन गोंदन
ओल्या दवाचे रेखुनी
गंधाळल्या गोंदावरी
शोभे कुंकूम चांदणी!
लागे चाहूल चाहूल
वाजे पाऊल रे कानी
होता जाणिव भासाची
दाटे नयनात पाणी!
अंगी शहारा शहारा
उठे नित्य स्पर्शातुनी
वाहते अनिलासवे
तिची अधूरी कहानी!
किती विरह विरह
सोसावा रोज दिनी
सखे,तरी पुन्हा पुन्हा
उमलते रातराणी!
✒अनिल सा.राऊत
📱9890884228
