:::::::: अभंग-सज्जनाला जाच लाजण्याचा ::::::::
झाले भोंदू फार । साहित्य मंदिरी
गर्व तो अंतरी । फुकाचा रे ।।१।।
चार दोन शब्द । होताच प्रसन्न
लेखिती कदान्न । गुरुलाही ।।२।।
माज ऐसा कधी । नको दाखवाया
गेले कैक वाया । गुर्मीत या ।।३।।
अपुलेच हात । घेई पाठीवरी
थोपटण्या बरी । पडते रे ।।४।।
शेणावरी गोटे । न टाकी शहाणे
ते बुजगावणे । ऐटखाऊ ।।५।।
उथळ बाजारी । नागव्यांचा नाच
सज्जनाला जाच । लाजण्याचा ।।६।।
काय चाळे प्रभो । दावतो आम्हांशी
नाते माकडांशी । लालेलाल ।।७।।
✒अनिल सा.राऊत
📱9890884228
No comments:
Post a Comment