%%%% लावणी-जीव टांगणी लावू नका %%%%
____________________________
ऐन सांजेची वेळ...ऊरात उठली कळ
ह्ये दुखणं हाय भारी
हलक्यावरी घेऊ नका...
जीव टांगणी लावू नका
सख्या,या ना उशीर लावू नका।।धृ।।
नऊवारी साडी नेसून भारी
ऊभी केव्हाची बाई मी दारी
शृंगार सारा जाईल वाया
उगीच भाव खाऊ नका...
जीव टांगणी लावू नका
सख्या,या ना उशीर लावू नका।।१।।
अंबाड्यावर चढविला गजरा
कुणा-कुणाच्या रोखू नजरा
जीव जडला तुम्हावरी
तोंड फिरवूनि जाऊ नका...
जीव टांगणी लावू नका
सख्या,या ना उशीर लावू नका।।२।।
शेज सजवली जाई जुईनी
या सत्वरी घाई करुनी
अंग अंग मोहरुन येता
अंत ज्वानीचा पाहू नका...
जीव टांगणी लावू नका
सख्या,या ना उशीर लावू नका।।३।।
©अनिल सा.राऊत
📱 9890884228
No comments:
Post a Comment