सोळाचा खेळ (लावणी)

सोळाचा खेळ बाई मी मांडून बसले
चोळीवरनं पदर बाई मी सारुन बसले ।।धृ।।

पाखरे भिरभिरती...भान हरपती
दाणा नसल्याजागी...चोची ते मारती
असं ज्वानीचं जाळं बाई मी लावून बसले ।।१।।

भुंगे फिरफिरले...फूल फुलले
गुलकंद चाखण्या...किती टपले
भिंगरी बांधून पायी मी फिरवू लागले ।।२।।

रात सरता सरेना...मना चैन पडेना
देह तापला आगीत...भडका विझता विझेना
अशी होऊन बेभान पाणी शोधत सुटले ।।३।।

भेटले बहुजन...कोल्हे जागवून
राती परतल्या...रस चाखून
डाव टाकून उलटा मी फड जिंकून आले ।।४।।

©अनिल सा. राऊत
9890884228
anandiprabhudas@gmail.com