सावता गीतमाला गीत क्र.३
लाख अर्पिले नाम
लाख अर्पिले नाम तेव्हा देव पावला
संत सावताच्या भेटी विठ्ठल धावला।।धृ।।
थेंब थेंब घामाचा
विठ्ठलनामाचा
मातीमायच्या चरणी
अभिषेक वाहिला...
संत सावताच्या भेटी विठ्ठल धावला...१
भक्त सारे सारखे
विठू तव पारखे
सावता माळी भासला
पांडुरंगा आगळा...
संत सावताच्या भेटी विठ्ठल धावला...२
जाती कैक पंढरी
दिंड्या वारकरी
परि सावताच्या रानी
रोज चाले सोहळा...
संत सावताच्या भेटी विठ्ठल धावला...३
ना खंड कधी नामाला
भाव वाहिला कामाला
असा विरळा संत
शिरोमणी रे जाहला...
संत सावताच्या भेटी विठ्ठल धावला...४
लाख अर्पिले नाम तेव्हा देव पावला
संत सावताच्या भेटी विठ्ठल धावला.....
©अनिल सा.राऊत
9890884228
anandiprabhudas@gmail.com
No comments:
Post a Comment