वाढदिवस शुभेच्छा (१)

शुभेच्छा क्र.१

आले आभाळ भरुन
थेंब पावसाचे घेऊन
सरी बेभान नाचती
गाणे जन्मदिनाचे गाती...

थेंब इवले मिळून
होई सागर तो महान
तैसा सागर व्हावे तू
क्षण क्षण बहरावे तू

हसू कायम असू दे
दु:ख संकट ते नसू दे
हेच देवाशी मागणे
ना पडो तुज काही उणे

लाभो उदंड आयुष्य
आनंदी उज्ज्वल भविष्य
पूर्ण होवो साऱ्या इच्छा
वाढदिवसाच्या शुभेच्छा!!

*अनिल सा.राऊत
9890884228

anandiprabhudas@gmail.com