आठवण

::::::: आठवण :::::::

ये गं ये गं साजणे...ये गं ये गं साजणे
आठवण तुझी जीव घेतेया।।धृ।।

मन बेचैन बेचैन
कुठे पडेना चैन
सैरभैर झाला जीव
वाट पाहती नयन
तुझ्या वाटेवरी फूले वाहतोया।।१।।

किती करशी बनाव
काय तुला म्हणावं
किती छळशिल आता
कशी येईना कणव...
माझ्या श्वासाची दोर तुटतेया।।२।।

घेतो मिटुनि पापणी
नको वहावया पाणी
प्रेमाची गं त्या अपुल्या
सांग जगाला कहाणी
नको रडू आता वेळ गेलिया।।३।।

ये गं ये गं साजणे...ये गं ये गं साजणे
आठवण तुझी जीव घेतेया....

*अनिल सा.राऊत* 9890884228