दे ललकारी

°°°°°°°°°°°°°°°°°°°°°°°°°°°°°°°°

::::::: दे ललकारी ::::::::

भेदिले अवकाश,लांघिले सागर
नाही राहिली तू अबला...
गिरीशिखरावरती पाय रोवूनि
दे ललकारी या जगाला..।।धृ।।

खांद्याला खांदा लावूनि
डोळ्याला डोळा भिडवूनि
         शूराने रक्षिते सीमेला..।।१।।

चूल आणि मूल सोडूनि
सारी बंधने झूगारुनि
         ठोकरले तू गुलामीला..।।२।।

बुद्धीचा कस लावूनि
पुरुषांना फिके पाडूनि
         दिलास धक्का वर्चस्वाला..।।३।।

कुणी कल्पना होऊनि
आकाशी झेप घेऊनि
         फडकावते तिरंग्याला..।।४।।

समानता ही जाणूनि
साथ मी तुला देऊनि
         सलाम करतो यशाला..।।५।।

कर्तृत्त्वाला मान देऊनि
शौर्याची जाण ठेऊनि
         अभिमान तुझा देशाला..।।६।।

भेदिले अवकाश,लांघिले सागर
नाही राहिली तू अबला...
गिरीशिखरावरती पाय रोवूनि
दे ललकारी या जगाला..

°°°°°°°°°°°°°°°°°°°°°°°°°°°°°°°

अनिल सा.राऊत
9890884228

anandiprabhudas@gmail.com