सावता गीतमाला गीत क्र.५
:::: धाव धाव सावता :::::
धाव धाव सावता....धाव धाव सावता
संकटांनी आता पुरा घेरलो।।धृ।।
तुझ्या कृपेची सावली
असू दे सदा माऊली
नको रे दु:खाची छाया
असू दे सुखाची माया...
असू दे सुखाची माया
तुझ्या चरणाचा दास जाहलो।।१।।
कुणी बोलते टाकून
कुणी सोडतो दावण
झाला डोंगर दु:खाचा
घास मुकला सुखाचा...
घास मुकला सुखाचा
किती धरु धीर मी रे हरलो।।२।।
फूले करितो घामाची
माला ओवितो नामाची
तरी का देवा पावेना
ठाव जीवा या लागेना...
ठाव जीवा या लागेना
सांग कुठे देवा कमी पडलो।।३।।
वाढे श्वासाचे अंतर
आस तरी निरंतर
ये ना मज भेटायला
जसा तुज विठू आला...
जसा तुज विठू आला
भेट तुझी घेण्या जगी उरलो।।४।।
धाव धाव सावता....धाव धाव सावता
संकटांनी आता पुरा घेरलो....
©अनिल सा.राऊत
9890884228
No comments:
Post a Comment