तेवते एक पणती

°°°°°°°°°°°°°°°°°°°°°°°°°°°°°°°°°

::::: तेवते एक पणती :::

सूर्य जरी तुज हाती,अंधार दाटतो पाठी...

तेवते एक पणती,लेक होऊनि तुझ्यासाठी।।धृ।।

असेल जरी अंशाचा,दिवा तुझ्या वंशाचा

नाग जहरी दंशाचा,फणा काढुनि तुझ्यापाठी।।१।।

तेवतेे एक पणती,लेक होऊनि तुझ्यासाठी...

सोसले किती तू हाल,केला उभा महाल

झालास तू रखवाल,अपुल्याच घरासाठी।।२।।

तेवते एक पणती,लेक होऊनि तुझ्यासाठी...

का करितो हव्यास,मनी मुलाचा ध्यास

गर्भात मुलीचा -हास,सांग करितो कशासाठी।।३।।

तेवते एक पणती,लेक होऊनि तुझ्यासाठी...

खुडू नको कळीला,जन्म घेऊ दे मुलीला

देह सासरी वाहिला,जीव तुटतो बापासाठी।।४।।

तेवते एक पणती,लेक होऊनि तुझ्यासाठी...

सोसते रे सारे काही,तुझ्याच नावापायी

तरी तुला तमा नाही,कोण सोसतो कुणासाठी।।५।।

तेवते एक पणती,लेक होऊनि तुझ्यासाठी...

घे सतीचे वाण हाती,भाळी लावून माती

वाढू दे हरेक पोटी,एक मुलगी देशासाठी।।६।।

तेवते एक पणती,लेक होऊनि तुझ्यासाठी.....

°°°°°°°°°°°°°°°°°°°°°°°°°°°°°°°°°

अनिल सा.राऊत

9890884228

anandiprabhudas@gmail.com